SHILLONG, Jymmang 29: Ka kynhun ki nongïalehkai Kick-Boxing jong ka jylla hapoh ka lama jong ka Meghalaya State Kickboxing Association Kickboxers (MSKA), hynne ka step ka la mih na nongbah Shillong ban leit ïashim bynta sha ka lympung Junior’s Boy’s and Girl’s National Kickboxing Championship ha Odisha.
Kane ka Championship ha Khurda-Odisha kan sdang naduh mynta ka 30 tarik Jymmang haduh ka 03 tarik Jylliew 2026, bad la pynlong da ka Odisha State Kickboxing Association hapoh ka jingpeit jong ka WAKO India Kickboxing Federation kaba la ithuh da ka tnad Sports jong ka sorkar India, bad ka dkhot jong ka World Association of Kickboxing Organisations.
Ka MSKA ka la phah ïa 14 ngut ki shynrang bad 2 ngut ki kynthei, ban sa synran lang ïa ki da ka Daniella I W Mylliemngap kum ka Coach ha kane ka Championship.
Ïa kane ka Championship yn pynïaid katkum ki kyndon jong ka WAKO (IF) Italy Hq bad ka WAKO India Kickboxing Federation (Standard Operating Procedures) kumba la pynmih da ka tnad sports jong ka Sorkar India.
Lah ban kdew ba haduh mynta hi, ka jingïoh khur takma jong ka MSKA naduh u bnai Nailar 2017 ka long 101 tylli ki takma ksiar, 99 tylli ki takma rupa bad 112 tylli ki takma rnong ha kaba 67 tylli kidei ki takma International Standards bad 9 tylli ki takma na ka bynta ka NEHU ha ka All India Inter University Games naduh u snem 2019.
Ha kane ka kynti ruh ka MSKA ka kitbok bad khmih lynti ba ka kynhun kan nang lah ban pynkiew ïa ka jingïoh takma.
Kine ki long ki kyrteng jong ki nongïalehkai:
1. Benjamin Nongtraw (Low Kick below 54 kgs)
2. Aedriel Gordon Ranee (K1 Rules below 47 kgs)
3. Aldrin Osmond Pariat (K1 Rules below 60 kgs)
4. Derick Dashankur Nongrum (K1 Rules below 54 kgs)
5. Arrishot Bitdor Mawlieh (Low Kick below 51 kgs)
6. Darren Ervim Blah (Full Contact below 51 kgs)
7. Saikuparlang Phanbuh (Low Kick below 54 kgs)
8. Sumarlang Kharumnuid (K1 Rules below 56 kgs)
9. Enkupar Wahlang (K1 Rules below 50 kgs)
10. Misariio Nongdhar (Full Contact below 45 kgs)
11. Nangsanshaphrang Kharbithai (Kick Light & Light Contact below 45 kgs)
12. Merapkerlang Lyngwa (Full Contact below 63 kgs)
13. Erickson Nongkynrih (Low Kick below 50 kgs)
14. Hamebuhnam Pathaw (Full Contact below 45 kgs)
15. Nathania Mylliem Umpling (Low Kick below 48 kgs)
16. Wanlarihun Kharbuki (Full Contact below 48 kgs).