Ai khublei ka BJP Meghalaya ïa ka sorkar pdeng ba ïoh khusnam Padma Shree u Bah Hally

Shillong, Jymmang 26: Ka Meghalaya Bharatiya Janata Party (BJP) ka la ai khublei ïa ka Sorkar Pdeng ba ialam da u Myntri Rangbah duh Narendra Modi, kaba la pynkup burom daka khusnam Padma Shree ïa u Bah Hally War na ka bynta ka jingtrei jong u ha kaban thain bad pynheh pynsan ïa ki jingkieng Jri.
“U Myntri Rangbahduh Narendra Modi ba ïalam ïaka Sorkar Pdeng u la pynpaw sa shisien ïa ka jingnoh synñiang jong ka Meghalaya sha ka ri da kaba ai khusnam ïa u Bah Hally War na ka bynta ka jingaiti lut jong u ban tei bad pynroi ïa ki jingkieng Jri, ka pateng bad kumjuh ruh ka dak jong ka Jylla jong ngi.”
U Bah Kharkrang u la ong, “Katba ngi dang pynpaw ïa ka jingsngewnguh kaba khraw ïa ka Sorkar Pdeng, ngi thikna ba namar ka nam bad ka jingai jingithuh ïa u Bah Hally kadei ruh ka jingithuh ba kyrpang ïa ka Jylla jong ngi haba ïadei bad ka mariang ka ban long ka nuksa na ka bynta ka jaitbynriew baroh kawei, kaba thaw ïa ka lawei kaba neh na ka bynta ka ri India,” ula ong.
Ka BJP ka la kdew ba ka khusnam Padma Shree jong u Bah Hally ka la wan hadien ka jingioh khusnam Padma Shree jong ka Kong Silbi Passah ha u snem 2024.
Ka la kdew ruh ïa ka jingkren jong u Myntri Rangbahduh dang shen ha ka ‘Mann Ki Baat’, ha kaba u la kdew ïa ka jain Eri Silk jong ka Meghalaya.
“U Myntri Rangbahduh ba donburom bad ka Sorkar Pdeng ha kawei pat ka liang ki dang ïai bteng ban ithuh ïa ka pateng ba phylla jong ka Jylla.Ka daw balei, ngi pynpaw ïa ka jingsngewnguh jong ngi sa shisien,” u la bynrap.