Mawkyrwat, Jymmang 26: Ka ophis jong ka Meghalaya State Skill Development Society (MSSDS), South West Khasi Hills District lyngba ka Skill Development Officer (SDO), hapoh ka tnad Labour, Employment & Skill Development jong ka Sorkar Meghalaya, kan sa pynlong ïa ka Free Skill Training Programme na ka bynta u snem 2026-2027 ha kylleng ki jaka ha South West Khasi Hills District.
Ka jingthmu jong kane ka prokram ka long ban ai jinghikai ei ne Free Training ha ki jait jinghikai bad ki kam bapher bapher bad ki job role na ka bynta ki khun samla bad ban kyntiew ïa ka jingnang jingstad, ka jingïohkam ïohjam bad ruh ka lad ba kin lah ban ïeng ha la ki jong ki kam kamai jakpoh. Lyngba kane ka sienjam, ki samla kiba bit ban shimbynta kin ïoh ïa ka jinghikai kaba don jingïadei bad ka jingtreikam paidbah bad ki sap kiba donkam ha ka ïew ki hat, ban pynbha ruh ïa ka jingïoh jingïarap bad ban thaw ruh ïa ki lad jingïohkam kiba kham bha.
Namarkata, ka Meghalaya State Skill Development Society (MSSDS) ka kyrpad ïa ki samla shynrang bad kynthei kiba don jingthmu ban pyndonkam hok ïa kane ka kabu da kaba shimbynta ha ki jinghikai bapher bapher kiba yn pynlong ha une u snem 2026-2027.
Na ka bynta ki jingïoh jingtip ba kham bniah, lah ban jingïakynduh ne phone ha GCIITs Training Centre – 7005758596, Jasper Institute of Professional Skill Society Centre, Mawkyrwat – 6909903809, Lamlyn Institute of Information Technology Society, Mawkyrwat – 6909371999, Jev’s Wan Training Centre – 7005862087, Mawkyrwat – 8837306073, Kayzey Skills Academy, Mawkyrwat – 9366220515, IHM Shillong, Meghalaya – 8837098873 / 6909641150.
