Kan sa poi ka por ba ka sorkar pdeng kan sa tih ïa u Uranium, ong u Bah Tarcisious Mawlot

Shillong, Jymmang 22: U Bah Tarcisious Mawlot u la ïa jingmut sha u Myntri Rangbah ka jylla, u Conrad K Sangma ba dei ban phah pule ïa ki samla Khasi, Jaintia bad Garo ha kaba ïadei bad u marpoh khyndew u Uranium khnang ba lada jia kan poi ka por ba ka sorkar pdeng kan tih ï‹a une u mar poh khyndew na kane ka jylla ha kata ka por la don ïa la ki jong ki briew bad kane kan ai iaka jingshngaiñ haba ki trei da la ki jong ki briew.
Haba kren ha ki lad pathai khubor, ha Shillong Press Club u bah Mawlot u la ïathuh ba ïa kane ka jingia jingmut u la ai ha u Myntri Rangbah barim ka jylla, u Salseng C Marak bam kwai ha duwar u blei ha u snem 1996 bad ïa kane kajuh u la ai ha u Myntri Rangbah ka jylla, u Conrad ha ka 13 Jymmang 2026.Shuh shuh u Bah Mawlot u la kren shai ba kane ka phang kaba dei bad u Uranium ka dei ka mat ïakren ba baroh ki pynpaw ia ka jingsyier ia kata ka radiation kaba mih na ki jaboh jabaiñ jong une u Uranium bad bun ki shnong ki la pynpaw ïa ka jingsngew khia ba ïoh ki tyllong um bam um dih, ki wah, ka lyer bad kan long ruh ka jingma ‘ïa khun bynriew bad ki mrad ki mreng.
U la ong ba ka dei ka jingshisha ba ïa mynta kam shym don shuh kata ka jingïakren bad tih Uranuim namar ka don ka jingia pyrshah na ka liang jong ki paidbah hynrei, na ki dak ki shin ba paw la ka dei mynta ka lah ban long ruh hadien namar ba ka jingshna ïa ka surok na Wakhaji sha Chaigaong kaba don ha ka jylla Assam ba ïaid lyngba ka Nongstoin bad Rambrai. Kumta, u bah Mawlot u la ïathuh ba u la ai jingmut sha ka sorkar ban phah pule ïa ki khun samla ha kaba iadei bad u Uranium bad ba kin pule ia ka rukom tih ia ki mar poh khyndew kane kan long lada tih ne ym tih Uranium, haba ki don ki briew lajong ban trei kan wanrah ïa ka jingshngaiñ.