Shillong, Jymmang 20: Ka Meghalaya Football Association hynnin ka step ka la pynbna ïa ka khubor kaba kyndit halor ka jingkhlad noh u Fragranson Snaitang uba dei u assistant referee
Ia kane ka khubor jong ka jingkhlad jong u la pynthikna lyngba ka jingthoh jong ka Meghalaya Football Association ha ki social media.
Kum ka dak ka jingsngewlem la pynlong ïa ka jingsngap jar kaba shi minit shuwa ban sdang ïa ka jingïalehkai Meghalaya State League hynne ka sngi ha madan First Ground SSA Stadium.
U Fragranson Snaitang u la long u nongpynïaid ïa ki jingïalehkai dang ha kane ka lympung kaba dang ïaid bad u la don bynta ruh ban pynïaid ïa kawei ka jingïalehkai dang ha kine ki sngi ba ladep.
U Fragranson Snaitang ym tang ba u la pynïaid ïa ki jingïalehkai jong ka MFA hynrei ïa ki jingïalehkai jong ka Shillong Sports Association bad ki lympung jong ka Reliance Foundation ruh kumjuh ha kine snem ba ladep.
