SHILLONG, Jymmang 19: Ka District School Education Officer (DSEO), South West Garo Hills ka la pynkynriah noh ïa ka Personal Interview na ka bynta ki kam Assistant Lecturer ha ka Economics bad Political Science ha Ampati Government Higher Secondary School, da kaba pynpaw ïa ki jingeh ki bym lah ban kiar.
Ha ka jingpynbna, ka DSEO ka la pyntip sha baroh ki kyrtong kiba don bynta ba “ïa ka personal interview na ka bynta ka kam Assistant Lecturers ha ka subjek Economics bad Political Science ha Ampati Government Higher Secondary School la pynsangeh noh haduh ban da pynmih da kumwei pat ki hukum namar ki jingeh ki bym lah ban kiar.”
Ïa ki interview la pynbeit ban pynlong ha ka 21 tarik u Jymmang,2026 ha ophis jong u DSEO.
Ka DSEO ka la ai jingmut ïa ki nongaplai ban peit bniah bad ban update.”La ai jingmut ïa ki kyrtong ba kin ïai bteng ban update ïa ki jingtip ba kham bniah ha kaba ïadei bad ka jingpynkylla ïa ka por na ka bynta ka interview,” ong ka jingpynbna.
Ïa ka tarik thymmai na ka bynta ka interview yn sa pyntip hadien, la bynrap shuh shuh ka ophis.
