Da ki kam ïalap yn pynphriang ka SRES halor ki skhim pynroi bapher bapher sha ki paidbah

Shillong, Jymmang 19: Ka State Rural Employment Society (SRES), ka State Nodal Implementing Agency na ka bynta ka Dharti Aaba Janjatiya Gram Utkarsh Abhiyan (DA-JUGA), ka la pynithuh ïa ka IEC Campaign ‘Jan Bhagidaari – Sabse Door, Sabse Pehle’ na ka bynta ban pyntip halor ki skhim pynroi na ka bynta ki paidbah ka jylla bad ban pynlong ïa ka Beneficiary Saturation Camps (BSC) naduh ka 18 tarik Jymmang haduh 25 tarik, Jymmang, 2026 ha baroh ki shnong nongkyndong kiba hab hapoh ka DAJGUA ha ka jylla Meghalaya.
Ha u snem ba la lah, ïa ka jingpynshai ïa ka jingjop ka IEC, la pynlong ha kylleng kane ka jylla. Mynta, kum ka jingbuddien ïa kine ki jingpynshai, baroh ki distrik kiba hap hapoh ka DAJGUA kin kyntiew biang ïa ka IEC Campaign bad pynthikna ba ïa ka Beneficiary Saturation Camps yn pynlong ha kylleng kane ka jylla.
Kane ka jingïalap, ‘Jan Bhagidaari Sabse Door, Sabse Pehle’, kan dei shaphang ka jingkynduh ha madan, ka jingpyndap ïa ka jingshakri, ka jingkhmih ïa ka jingkoit jingkhiah bad ka jingïohi ïa ka jingim.
Kane ka campaign kan sa ai ïa ka lad ban ïoh jingmut halor ki Abhiyans bad pynsngap ïa ki khana ba jop bad ki jinghikai. Baroh ki jingïoh jingmyntoi na kine ki skhim jong ka sorkar pdeng bad sorkar jylla, yn sa pynjlan sha ki paidbah ka jylla kum ha kane ka por.
Ha ka jingrakhe ïa ka jingktah kaba dang ïai bteng jong ka DA-JUA, ïa ka Information, Education, and Communication (IEC) campaign kaba dang pynleit jingmut mynta kaba la sdang naduh ka 18 tarik, Jymmang haduh 25 tarik, Jymmang 2026, la sdang ha baroh ki shnong nongkyndong ba don haduh 1,437 ha kylleng ka jylla Meghalaya.
Kane ka jingpynshai kaba la sdang biang por kan pyn biang ïa ka rukom treikam bad ai jingtip shaphang ki katto katne ki skhim sorkar beit beit sha ki nongshong shnong, da kaba pynthikna ba baroh ki jingïoh jingmyntoi jong kane ka jingsdang, kan poi sha man ki kyndong kynshrot jong ka jylla.
Ki bynta ba kongsan jong kane ka kam ïalap IEC ki kynthup ïa ka jingpynlong ïa ki camp ha ka nongkyndong bad ha ki thaiñ shnong ban pynsuk ïa ka jingsam ïa ki hok kiba ki briew ki dei ban ïoh lyngba ka sorkar, ki prokram pynsngewthuh kiba dei shaphang ka jingbatai ïa ki paidbah jong ka shnong halor ki skhim sorkar bad ki jingïoh jingmyntoi.
Kane ka long ban pynthikna ba ïa ka jingbun briew jong ki riewlum, la dep pyntip, ka jingpynïadei hapdeng ki tnad ba bun, kum ka jingïatreilang kaba ïatylli ban pyn thikna ïa ka jingshakri kaba suk bad ka jingïakren kaba thikna.
Kane ka la pynpaw ïa ka jingaiti jong ki nongshim bynta sorkar ha kane ka kam, ka batai ruh halor ka phang ban pyrkhat ban pynpoi sha ki shnong ki thaw, ka jingpyn shlur ban ïashim bynta lang ki dkhot ka imlang ka sahlang bad pynthikna ïa ka jingjop jong ka kam ïalap IEC.
Baroh ka kynhun ba don bynta ka la shah kyrpad ban ïashim bynta ha kane ka prokram, ha kaba yn don ka jingnoh synniang ha ka jingsdang ïa kane ka prokram jong ki skhim ai jingmyntoi bad plie ka lad ka lynti na ka bynta ka jingïoh kam ïoh jam kaba neh janai ha ki jaka jong ki riewlum.