Shillong, Jymmang 15: Ka BJP kan sa pynbna ïa u kyrtong jong ka na ka bynta ka elekshon shiteng samoi ka Shillong Lok Sabha ka ban wan tang hadien ba ka Election Commission of India ka la pynbna ia ki tarik thep vote, ong u nongaiktien rangbah u Bah M. Kharkrang ha ka sngi Thohdieng.
“Ka BJP kan sa pynbna ïa ka kyrteng jong u kyrtong hadien ba la pynbna ïa ki tarik elekshon da ka Election Commission jong ka Ri India”, la ong u bah Kharkrang haba kren sha ki nongthoh khubor.
Haba kylli halor ka jingpynslem, u Bah Kharkrang u la ong, Kata kadei ka rukom trei kam ka ka party.Phi la iohi ha ki elekshon ba la dep ruh ngi la ap haduh ban da pynbna ïa ka elekshon.Kumta kadei ka rukom treikam ka party kumta to long phi kiba ïaishah.
Haduh mynta, ka NPP kaba don ha ka liang synshar ka la pynbna ïa u president ka KAS u Dr. DRL Nonglait kum u kyrtong jong ka.Ka Voice of the People Party (VPP) ka liangpyrshah ka la jied ïa u Prof. Batskhem Myrboh, katba ka Congress pat ka thmu ban pynieng ïa u MP barim ka Shillong bad u heh MPCC u Bah Vincent H Pala. Ka UDP kan dang shim ïa ka rai halor kane ka mat.
