Leit ïashimbynta u CM, Dy CM ki Myntri Sorkar bad ki MLA ha ka jingïaseng paidbah ka PCI

Shillong, Jymmang 3 : U Myntri Rangbah ka Jylla Conrad K Sangma, u Symbud Myntri Rangbah bah Pretone Tynsong ki Myntri Sorkar, ki MLA bad kiwei kiwei ki heh sorkar mynta ha ka Sngi U Blei ki la leit ïashim bynta ha ka 46th Biennial General Assembly bad ka jingrakhe Centenary Jubili jong ka Presbyterian Church of India (PCI) ha Shillong.
ïa kane ka Centenary la pynlong da ka Balang Presbyterian Phudmuri, KJP Synod Sepngi.
Haba thoh ha X, u Myntri Rangbah ula ong “Ka long ka jingkyrkhu ban ïoh ïashim bynta ha ka 46th Biennial General Assembly bad jingrakhe Centenary Jubilee jong ka Presbyterian Church of India ba la pynlong da ka Balang Presbyterian Phudmurui, KJP Synod Sepngi ha Shillong. Ainguh ïa U Blei na ka bynta ka jinglehbha jong u. Ha U Blei long ka burom shi junom”.