Lada ym don ki skul jong ki Balang ym tip shuh ka jingnang jingstad kan long kumno: MLA Mawkynrew

Shillong, Iaiong 27 : Lada ym don ki school Balang ym tip shuh ka jingnang jingstad ha kane ka thaiñ kan long kumno ong u MLA ka Mawkynrew constituency u Bah Banteidor Lyndoh ha ka sngi ba plie ïa ka additional school building jong ka Church of God Secondary School, Nongjrong ha ka 24 tarik Iaiong 2026
Ha kane ka sngi la ïadon ryngkat u Bah Roben Synjri u church representative, Bah Pynshai Synjri Sordar shnong Nongjrong, Bah Kedarwel Mukhim president school managing committee bad kumjuh ruh ki kmie ki kpa bad ki khynnah skul. Ha kane ka juh ka sngi la pynkup burom ïa ki khynnah ba pass bha ha SSLC 2026.
La ïoh ka jingkren na I Bah Kedarwel Mukhim president school managing committee ha kaba u la ai ka jingkhublei ba kyrpang ïa u MLA Bah Bah Banteidor Lyngdoh,ba dei na ka jingïarap ka jong u ba ki la lah ban ïoh biang ïa kane ka additional school building kaba la mang kyrpang na ka scheme jong u ha ka dor 8 lak tyngka. Ka jingnoh synniang jong u ïa kane ka skul ka la wanrah shibun ka jingmyntoi ïa ka skul bad ka shnong baroh kawei .
“Kawei nga kwah ban ïathuh ïa ka jingshisha ba naduh ka 2014 ba u Bah Banteidor u la long lum u MDC u la ïarap ïa ka skull jong ngi bad haduh mynta ba u la long kum u MLA u lah wan rah shibun ki jingkylla khamtam ïa kane ka skul jong ngi, u la pynkut ba na ka liang ka skul baroh kawei ka ai khublei kyrpang bad ai ka jingduwai ba un don ha ka met ba koit ba khiah bad kumjuh ban nang lah ban trei shitom shuh shuh ban ïarap ïa ka thaiñ baroh kawei.
Na ka liang u Sordar shnong U Bah Pynshai synjri ha ka jingkren jong u, u la ai jingïaroh shibun ïa ka jing lah u MLA ban wan rah ïa ki project bapher bapher hapoh ka Shnong, u la ong ba ym tang ïa kane ka additional school building ba na ka liang u MLA u la ai hapoh kane ka shnong hynrei ki nongshong shnong baroh ki sakhi ïa ka jinglah u MLA ban wan rah ïa ka surok ba bha bad khamtam ïa ka surok na ka wah umngot ban mih sha Niriang, West Jaintia hills, ka tourism ruh dei ma u ba long kum u kpa ba prat lynti ba ka shnong Nongjrong ka la paw bha mynta bad kumjuh ruh kiwei kiwei ym lah ban jer kyrteng bad u la pynkut da ka ong ba u briew ba jam ka kam u duna ka ktien.
Na kaliang u Kongsan u la ai khublei ïa ka managing committee ba ki la trei shitom bha namar ha ka constituency Mawkynrew baroh kawei “ Lada ym don ki skul Balang ym tip shuh ka jingnang jingstad ha kane ka thaiñ kan long kumno. Ka Church of God secondary school Nongjrong ka la mad shibun ki jingeh ha ka jingïaid lynti namar ka ïing skul ha ki por ba mynshwa kam long kaba biang ba paka bha, ka la buh jingeh shibun ïa ki nongpynïaid, ki nonghikai namar hap ban pynshong ha kajuh ka kamra ïa ki khynnah ba pule class 1 & 2, na kata ka daw nga la ïohi da la ka jong ka khmat ba donkam ïa ka additioanal class room ba la kumno kumno kawei kamra ïa kawei ka class, te kumta ka jingai jong nga ïa kane ka additional class room kan long ka jingmyntoi shibun ïa phi ki management bad kumjuh ïa ki khynnah pule ha kane ka skul”.
Bad kumjuh u Kongsan u la sneng ïa ki khynnah ban long kiba discipline, basmat ban pule kot khnang ba kin long kiba jop ha ka jingpule jong ki bad ban kohnguh sneng ïa ki nonghikai bad ki kmie ki kpa ba la trei shitom na bynta jka jingbha ka jong ki.