Kem ki pulit 5 ngut kiba donkti tuh ar shaka na WJHD, kynthup ïa 4 ngut ba dang khynnah

Jowai, Ïaïong 24: Ki pulit ka West Jaiñtia Hills District kila pyntip ba la ïoh kem ïa san ngut kiba donkti ha ka kam tuh ïa ki Scooty lem bad saw ngut kiba dang khynnah haka rta, ia kine ki nongtuh la leit rah sha Phramer Traffic Cell ban tohkit bniah.
Katkum ka jingïathuh ki pulit la ong ha ka 23.04.2026 la ïoh jingtip ba shah tuh kawei ka Scooty kaba don ïa u Registration No. ML-05 W-6877 na Ïalong Civil Hospital, Jowai. Ha ka jingwad bniah lyngba ki dur khih CCTV la lap ïa kawei ka kali kaba la suba jur.
Ha ka jingtohkit na uwei u khynnah, ula phla ba ïa katei ka scooty la leit rah sha shnong Pdengshakap, West Jaiñtia Hills, ki pulit haba leit sha katei ka jaka kila ïoh ban kurup ïa katei ka Scooty bad leh katkum ki kyndon aiñ.
Ki pulit ki la pyntip ruh ha kawei ka jingjia shah tuh ka scooty Register. No. ML-05 AF-5040, Yamaha Ray ZR, Matt Black & Golden rims, ha ka por kumba 2 shiteng mynstep, ïa kane la ïoh kurup lang na ka Pdengshakap.
Na ka liang ki pulit ki la kyntu ïa ki nongshong shnong ba kin long kiba husiar bha ïa ki kali bad ki Scooty jong ha kano kano ka por. Ha kajuh ka por ki lah ban pyntip mardor sha ki Police Station ba marjan lane phone ha u No. 112.