Nongstoiñ, Ïaiong 19: Ka Voice of the Peoples Party kan hiar biang sha West Khasi Hills ha ka taiew ban wan na ka bynta ban pynithuh ïa u kyrtong sha ka bye Election MP. Kane ka la long hadien shi taiew tam hadien ba ka Party ka la hiar nyngkong eh ha Nongstoiñ ban pynithuh ïa u kyrtong ba ka party ka la dep ban jied sha kane ka elekshon MP shiteng samoi.
La ong ba ha katei ka sngi u kyrtong Dr Batskhem Myrboh un don lang ban pynithuh ïalade hakhmat ki paidbah nongshong shong shnong ka thaiñ Rambrai.
Kumjuh ruh u President rangbah ka party u Bah Ardent Miller Basaïawmoit un don lang ha ryngkat kiwei kiwei ruh ki nongkitkam ba hakhmat jong ka party, nangta ki nongkitkam jong ka Rambrai bad na ka West Khasi Hills hi baroh kawei. Ka jingïalang paidbah ban pynithuh kan long hakhmat iew Rambrai ha ka por 2 baje nohphai sngi.
