Shillong, Iaiong 15 : Ki shipai ïada khappud jongka India ki Border Security Force (BSF) ki la lah ban pyllait im ïa ka khynnah ba dang 10 snem ka rta namar ka la shah bat ha ka bor ding electrict ha ka 7 tarik Iaiong 2026.
Kane ka jingjia ka la jia ha ka por 11.30 mynstep hajan ka wah Rongra. Ka la jia haba kane ka khynnah kaba kyrteng ka Nikhami N Marak ka khun u Lithon D Sangma na ka shnong Rongra Bogiske ka la kum ïoh bat ïa u post bor ding uba par ka bor ding electrict ha ka jaka ba dang pyntrei ïa ka jingtei.
Haba ki BSF ki la ïoh jingtip halor kane mar mar ki la wan mareh na ka Out Post jongki kaba ha Rongrah ban ïarap ïa kane ka khynnah. Mar ïa poi ha ka jaka ki la phone sha ka tnad bording bad phah ban pynlip ïa ka bording bad hadien kane ki la ïarap ïa kane ka khynnah da kaba pynkit ïa ka mar mar sha ka jaka sumar kata sha ka PHC ha Rongra. Hadien ba la ïoh jingsumar kyrkieh ha kane ka jaka la pynkit pat ïa ka sha Civil Hospital Baghmara da ka Ambulance ki BSF rygnkat ka jingsynran lang ki Nurse bad kiba haïing hasem.
Da kane ka jingkloi wan ïarap ki BSF kane ka khynnah ka la ïoh ka jingsumar kyrkieh bad mynta ka la lait im tangba ka la mynsaw jur na katei ka jingshah bat bording.
