Leit ai mynsien u ma Sniawbhalang Dhar ha ka prokram “Shad Suk-Kara 2026”

Jowai, Ïaïong 13: U Symbud Myntri Rangbah ka sorkar jylla u ma Sniawbhalang Dhar ula leit ban ai mynsiem kum u kongsan haka prokram “Shad Suk Kara” 2026 haka shnong Pasyih shi bynta ban pynneh pynsah ïa riti ka dustur.
La pynïaid ïa ka prokram da u ma Thom Kyndait, President ka SRSP (Seng Raij Shnong Pasyih), uba la ai ka jingkren pdiang sngewbha bad pynpaw ka jingdonkam ban sumar bad kyntiew ïa ka riti ka dustur. Ïa ka jingduwai la ïalam da ka kong Philis Dkhar kaba la buh ïa ka jinglong kyntang ha kaba sdang jong ka prokram.
Haka jingkren u ma Sniawbhalang Dhar u la ai jingïaroh ïa ka Seng Raij Pasyih halor ka jinglah ban pynlong ïa kane ka prokram bad u la ban jur ruh ïa ka jingangnud jong ka sorkar ban kyrshan ïa ka riti ka dustur bad ka kolshor. U la ong ba kum kine ki jait prokram ki long kiba donkam bha ban pynskhem ïa ka jingïatylli bad ban ai jinghikai ïa ki paidbah khamtam ki samla.
Kiwei pat kiba la ai jingkren ki kynthup ïa u ma Ham Siangshai, Ex-General Secretary ka Sein Raij Shnong Pasyih bad u ma Jointly Ksoo, General Secretary ka Sein Raij Tuber, kiba la pynpaw ïa ka jingsngewnguh na ka bynta ka jingkyrshan ba la pynïoh da u symbud myntri rangbah.
Ha kane ka sngi u ma Sniawbhalang Dhar u la pynbna ruh ïa ka jingai jingïarap pisa kaba kot sha ka ?8 lakh ban kyrshan shuh shuh ïa ki kam jong ka seng.