Jowai, Ïaïong 09: Hadien 3 snem ka Shangpung RMSA Secondary School kala ïoh biang ba rung haka thup jong ka Top-20 list haka result SSLC kaba dang shu dep pynbna da ka Meghalaya Board of School Education (MBOSE) haka 7 tarik mynta u bnai Ïaïong, 2026.
Ka skul kala ïoh rung Top-20 ha une u snem lyngba u khynnah skul jong ka u Eric Fernando Papang u khun ka Ribha Papang bad u Hardison Sutnga uba la ïoh ïaka kyrdan ba 19th Position jong ka thup Top-20 list da kaba ïoh 556 marks bad ïoh Distinction ha baroh ki subjects.
Na ka daw ba ka Shangpung RMSA Secondary School ka dang long tang ka Regular-II ka kyrteng jong ka skul kam lah ban paw ha ka list jong ka Top-20th MBOSE.
Naka liang ka skul kala pynpaw ka jingsngewnguh kaba khraw eh ïa utei ki khynnah, uba la trei shitom ban wanrah ïa ka nam ka burom jong ka skul bad ka thaiñ hi baroh kawei, la ai ruh ka jingkitbok kitrwiang ba un dang kiew shaphrang ha ki jingpule kiba kham shalor.
