Mawkyrwat, Ïaïong 03: Ka Yellow House ka la long lahduh napdeng ki lai tylli ki house ha ka lympung ïalehkai jong ki khynnah skul kaba la tip kum ka 14th Annual School Sports Meet 2026 jong ka Bethel Secondary School, Nonglang, South West Khasi Hills District.
Ïa kane ka 14th Annual School Sports Meet 2026 la wan ban sakhi da u bah Renikton Lyngdoh Tongkhar uba dei u MLA ka Mawkyrwat Constituency kum u kongsan ha ryngkat ka jingiadonlang naduh ka Headmistress, ki nonghikai bad kiwei de ki riew rangbah kiba dei ki dkhot ka Managing Committee.
Ha kane ka sngi la ïoh ban aiti ïa ka dorkhas ha u MLA na ka bynta ban pynsngew ha u ïa ki jingdonkam ba kane ka skul ka donkam lyngba ki Nonghikai bad na ka bynta ki jingbit jingbiang jong kane ka Bethel Secondary School, Nonglang, u bah Renikton Lyngdoh Tongkhar ha ka jingkren jong u u la kren da kaba shai ba un sa mang pisa kyrpang ban ai jingïarap na ka SRWP kaba dei na ka MLA skhim na ka bynta u snem 2026.
Ym tangkata, haba kren ia mynsiem ïa ki khynnah u la ong ba kum ki khynnah skul haba ki wan sha skul ki dei ban long kiba minit thop khnang ba haba ki kmie ki kpa ki phah sha skul ryngkat ki jingsiew bai skul kin nym long leh noh ei. Shuh shuh u la kyntu ruh ïa ki ba ki don ïa kum kine ki jait jingïalehkai kim dei ban pynleh noh ei namar lyngba kin ki kam ïalehkai sports na skul ma ki kin lah ban pyni ïa kita ki sap ki phong ba ki ki don.
Ha kane la ïoh ruh ban sam ïa ki khusnam sha ki khynnah skul kiba la ïoh rah ïa ka jop ha ki jingïalehkai bapher bapher ha kaba ka Yellow House ka la long ka lahduh napdeng baroh ki House ba ka la ïoh ban khur bun tylli ki khusnam bad ka Green House ka la ïoh rah ïa ka nam lahduh ha ka Match Pass.
