Shillong, Lber 2 : Ka Voice of the People Party (VPP) mynta ka sngi ka la rai ban pynïakhun da u Nongpathai Khubor jongka Party u Dr Batskhem Myrboh ha ka Bye Election MP Lok Sabha hadien ka jingkhlad kyndit noh u MP jong kane ka Shillong Parliamentary Constituency u Dr Ricky AJ Syngkon ha ka 19 tari mynta u bnai.
Kat kum ka jingpyllait khubor la pyntip ba ka Election Committee mynta ka Sngi ka 2 tarik Lber ka la phah ïa ka kyrteng jong u Dr Batskhem sha ka State Executive Committee ban pynskhem kum u kyrtong jongka Party ha kane ka bye election MP Lok Sabha ban wan na kane ka 1 Shillong Parliamentary Constituency hadien ka jingkhlad noh ba kyndit jong u MP u Dr Ricky AJ Syngkon kaba la jia ha ka 19 tarik Rymphang 2026, ong u nongpathai khubor ka VPP u Dr AW Rani.
Lah ban pynkynmaw ba u President ka VPP u bah Ardent Basaiawmoit dang ha ka 27 tarik u la pynpaw ka jingsngewthikna ba ka VPP kan dang jop biang ïa kane ka bye elction MP na kane ka Shillong Parliamentary Constituency.
