Sngewpyrshah ka HITO ba khlem ai jingpynbna bha ka tnad pule puthi halor ka skhim Uniform

Shillong, Lber 2 : Ka Hynniewtrep Indigenous Territorial Organisation (HITO) ka pynpaw ka jingsngew pyrshah jur ïa ka jingleh jongka tnad pule puthi jongka jylla kata ïa ka Directorate of School Education and Literary namar ki khlem ai ka jingpynbna ba paka ban tip lut ki khynnah skul bad ki kmie ki kpa shaphang ka grant ïoh uniform ne ka DBT Scheme namar la shu ai jingpynbna tang shisngi lyngba ka YouTube.
Ha ka shithi sha u Director ka HITO ka la pynpaw ba khlem ai kano kano ka jingpynbna kaba biang lyngba ki kot khubor ne ai jingpyntip kaba bniah shaphang kane ka skhim hynrei la shu pynmih beit tang ha YouTube Channel. Kane ka jingpynbna ka long tang naduh 26 haduh 27 jong u Rymphang kaba bun ki khynnah skul ne ki kmie ki kpa kim ïoh jingtip ei ei ruh em, ong ka HITO.
Kane ka jingmyntoi ba dei ban ïoh jingtip lut da baroh ym dei ha ka jingshisha ban leh kumne.
Kumta ka HITO ka dawa ba dei ban pynjlan ïa ka por bad dei ban ai ki jingpynbna lyngba ki kot khubor, dei ban pynpoi ruh ki jingtip sha ki skul, sha ki ophis sha ki district khnang ba kin ïatip lut. Ka Seng ka la maham ba lada ym shim khia ïa kane ka seng kan ïaid da ki lynti jingiakhih paidbah ruh.