Lai taiew ai por ka ïingbishar ïa ka sorkar ban ai ïa ka kaiphod kumno ban ïakhun pyrshah ïa ka jingdih drok ki khynnah

Shillong, Lber 2 : Ka ïing Bishar High Court jong ka jylla mynta ka Lah Sngi U Blei, ka la pynmih ïa ka hukum ha kaba ka la aipor lai taiew ïa ki bor Sorkar ba kin ai ïa ka kaiphod kaba tyngeh kumno ban ïakhun pyrshah ïa ka jingngop ki khynnah ha u drok hapoh ka Jylla.
Haba pynmih ïa ka hukum haba shong bishar ïa ka PIL ba la ujor da u Mewaker Lyngdoh, ka Division Bench ba kynthup ïa ka Chief Justice Revati Mohite Dere bad Justice W Diengdoh, ka la kdew ba u Chief Secretary ka Jylla ula thung ïa ka Monitoring Committee ha ka 16 tarik Nohprah, 2025, kaba la shong ïa ka jingïalang ba nyngkong hadien lai sngi.
U Additional Advocate General ula pyntip ba ka Committee kan sa ai ïa ki jingai jingmut haba ïadei bad ki kam ban leh hapoh ka lai taiew, ban sdang ïa ka jingïada bad jingpyrshang ban ai jingïarap ïa ki khynnah ban lait na u drok.
Ka ïing Bishar ka la ailad ïa u nongmudui ban pyndon bynta lang ïa ki Custom, ki Border Security Force (BSF) bad ki Narcotics Control Bureau kum ki liang mamla ba shah mudui.
U DSGI Dr N Mozika ula pdiang ïa ka notice bad pan por ban shim ïa ki jingbthah.
Ka ïing Bishar ka la buh ban bishar biang ïa kane ka mukotduma ha ka 7 tarik Iaiong, haba bthah ïa ki nongshah mudui ba kin ai ïa ki kaiphod halor ki kam ba kila pyntreikam ban leh eiei halor ka jingdih droks bad ka sienjam ba la shim ban ai jingïarap ïa ki nongdih droks.
Ki shipai BSF ki la file ïa ka affidavit, kaba la pynrung lang ha ka jingthoh ka Kashari.