Shillong, Lber 02: Ha ka miet sngi U Blei ha ka por kumba 8.30 baje por miet ki pulit jong ka Dawki Police Station ki la ïoh ban kem ïa ki ar ngut ki khar Bangladeshi u Monirul Biswas bad ka Lovely Khatun baroh arngut ki dei na ka shnong Bhombag jong ka district Narail ka ri Bangladesh.
Ki pulit ki ïathuh ba ïa kine ki ar ngut la kem na ka Dawki katba ki dang don hapoh ka kali kaba don ïa u number ML 05AG 7472 ba la ñiah da u Pynshaibha Khaii ban kiew sha Jowai na ka liang jong ki pulit ki la ïoh noh kem ïa kine ki briew.
Ïa ka ejahar la resgiter ha Dawki Police Station hapoh ka kyndon aiñ no 5(3)2026 u/s 21/19(1)/24 foreigners act, 2025. Kaba ïadei bad ka jingwan rungtuh ki briew na kawei ka ri ïa kine baroh yn sa phah sha ïing bishar ha Amlarem, bad ka jingtohkit ka dang ïaid shakhmat halor kane ka jingjia.
