Nongstoiñ Rymphang 22: Ka kam sharai balang ka dei ka kam kaba kyntang kaba shitom bha khamtam ha ki jaka bad ki shnong kiba ïakhleh bad kiwei ki jaitbynriew hynei u Blei u don ryngkat bad u ïalam haba ngi shakri da ka jingieit ong u parad Medroling Mawlieh u Tymmen basan (Tbn) jong ka balang Presbyterian Nongspung kaba don ha jan ka shnong Kyrshai.
Ha ka lah sngi u blei jong ka taïew ba la dep u nongthoh kubor jong u Mawphor ha ka jingleit jngoh ïa ki katto katne ki shnong kiba don ha khappud bad ka Assam ha ka jingbym poi pyrkhat la ïakynduh ïa utei u parad bad katba dang ïashong kai ki la don ki nongshong shnong na katei ka thaiñ kiba la pynithuh ba utei u parad u dei u Tymmen basan jogn ka Balang Presbyterian Nongspung.
Da ka jingkmen la ioh ban ïapur khana shaphang ka jinglong jingman jong ki balang ha katei ka thaiñ bad la ïoh ban ïathuh khana bad kylli ïa utei u parad ba naduh mynno u la shah jied kum u Tymmen basan.
Da ka jingkmen bad phusamrkhie utei u parad u la ïathuh ba u la shah jied kum u Tymmenbasan naduh u snem 1964 kata arsnem hadien ba u la leit shongkha ha ka shnogn Mawthir.
U la ïathuh ruh ba ha katei ka por ki dang don tang lai tylli ki long ïng Khristan ha ka shnong Mawthir bad kitei ki lai tylli ki long ïng ki hap hapoh ka jingpeit jong ka Balang Presbyterian Rambrai bad ha katei ka por baroh ki balang ha katei ka thaiñ ki dang hap ha ka Mairang Presbytery bad u (L) Pastor Nihasingh u dei u Pastor Incahrge ïa baroh ki balang kiba don ha ka thaiñ rimen haduh ki thaiñ Muliang.U la ong ruh ba ha ka jingjied Tymmenbasan ha Rambrai ha u snem 1964 utei u parad u la shah jied hynrei arsien arwat um shym la leit ban shah pynskhem kum u Tymmenbasan.
Utei u parad u la ong ruh ba na ka liang u (L) Pastor Nihasingh bad ki briew jong ka Presbytery ki la wan ban ïasyllok man ka por ba u dei ban leit shah pynshkem kumta ha u snem 1968 u la leit ban shah pynskhem kum u Tymmenbasan ha ka jingïaseng Presbytery Mairang kaba la logn ha ka balang Presbyterian Tynghor.
Kaba kham sngewtynnad ka long ba utei u parad u la ïathuh ba hadien ba u la shah pynskhem kum u Tymmenbasan haba u la wanphai sha Mawthir u la ïoh ba pynkylla Khristan bun phew tylli ki long ïng nalor kata ki don sa ki briew na ka hima Maharam kiba wan buhai shnong ha Khynrin, Nonkyllang bad kiwei kiwei ki jaka ha kaba ki Khristan ki sdang ban roi bad ban kiew ha ka jingdon briew.
Kawei pat ka jingjia kaba sngew sih ka la jia ba hadien katto katne snem ka kurim jong u ka la khlad noh bad ahdien katto katne snem u la leit ïathoh shong kurim biang bad kawei pat ka briew ha Nongumbah kaba don ha jan ka shnong kaba u shong u sah mynta.
U la ïathuh ruh ba ha ka jingshisha u dei ban shong ban sah ha Nongumbah hynrei ha ka por lyiur ka shem jingeh ïa ki ban leit jingïaseng sha Nongspung namar ka don ka wah Rambrai bad ym lah ban kam sha shiliang bad ki ïoh lad ban leit jingïaseng tang ha ka por tlang kat haduh ba ki la shah khot kum ki “Khristan tlang” .
U la ïathuh ruh ba dei na kata ka daw ba u la hap ban ïa ka longjong u bad ka ïng ka sem sha Nongspung.Nalor kata u la ïathuh ba ha kitei ki snem ki dang don tang katto katne ki long ïng na Kyrshai, Nongspung bad Nongumbah kiba lah long Khristan.
U la ïathuh ruh ba dei ha u snem 2011 ba ka Umsaw Presbytery ka la wan ban thung ïa ka balang ba pura ha Nongspung bad mynta ki la don laiphewphra tylli ki long ïng Khristan tang ha Nongspung bad hadien ba la thung ïa ka balang ba pura la pynlong biang ïa ka jing jied Tymmnbasan bad la ïoh arngut ki Tymmenbsan ba thymmai bad mynta la don laingut ki Tymmenbasan ha katei ka balang.
H aba kylli pat ha kaba ïadei bad ka kam sharai balang utei u parad u la ong ba ka kam sharai balang ha kijaka ba shong khleh jaitbynriew ka long kaba shitom haduh katta ktta bad dei halor katei ka nongrim ba kum u Nongshari ula hap ban shim ïa ka jingkitkhlieh kaba khraw bad hadien ba ka Nongspung ka la ïoh ïa ka balang ba pura da ka jingsngewkhia u la pynsgew ha ki para Nongsharai balang ba la idon kam ban don da ka Mission ne ka lyngkha trei ban ïalap ïa ka jingpynim ei jong u Jisu Khrist ha kiwei pat ki jaitbynriew kiba shong ba sah hakatei ka thaiñ ha kaba ki para nongsharai ki la mynjur bad ki la rah ïa katei ka mat sha ka District bad ka Presbytery ban ïakren.
Kumta hadien ba ka District bad ka Presbytery ki la ïathir bad ïatai sani halor katei ka mat ki la mynjur bad phah sha ka Executive Committee jong ka KJP Synod Sepngi bad ka la mynjur ha kaba ka la thung ïa u Pastor Saiñakor Marweiñ kum u Mission Worker ha Kyrshai Mission bad mynta ka la thung syndon ïa u kum u Pastor hapoh ka Umsaw Prtesbytery bad uba peit ïa ka Kyrshai Mission.
