Jowai, Rymphang 19: Ka ophis u Superintendent of Police West Jaiñtia Hills District kala pyntip baka ïing bishar Special Judge (POCSO), Jowai kala pynmih ïaka hukum haka 16.01.2026 ha kaba ïadei bad ka mukotduma jong ka POCSO Case No. 08/2024 pyrshah ïa u Elias Shylla.
Ïa u Elias Shylla 22 snem ka rta naka shnong Lumlakhiat, ula phet rieh la slem bha bad um shem la wan mih shuh hakhmat ka ïingbishar ba donburom ban jubab ïa ki jingkynnoh pyrshah ïa u.
Na ka liang ka ïingbishar kala pyndonkam ïa ka kyndon 82 kyndon 2 (3) jong ka CrPC bad la bthah ïa u Elias Shylla ba un wan mih ha khmat ka ïing bishar.
La kyrpad ïa kino kino ki briew kiba don jingtip ha kaba ïadei bad ka jaka sah jong utei u briew kin pyntip mar mar sha ka Women Police Station, West Jaiñtia Hills District lane sha ki Police Station ba hajan.
