Shillong, Rymphang 15: Ha kawei ka jingjia, kawei ka longkmie kaba sah ha nongbah Shillong ka la phah ka jingujor ba ha ka 21 tarik u Kyllalyngkot, 2026, ka la die ïa ka kali jong ka ha uwei u briew uba kyrteng u Testbor Thabah kumba T. 7.7 Lak, ha kaba utei u nongthied ula siew ïa ka lyngba ka cheque.
Hynrei na ka liang katei kaba la ujor ka la ïathuh ba kam shym la lah satia ban phah ïa ka pisa lyngba ka cheque hapoh ka Bank, da kaba kynnoh ba utei u briew u la sangeh ka jingsiew pisa.
Halor kane ka jingjia, katei ka nongujor ka la lap bad shem ba utei u Testbor Thabah u la dep die ïa katei ka kali sha uwei pat u briew hapoh sor Tura, West Garo Hills (WGH), bad ka la sngewthuh ruh ba ka la shah thok ha kane ka jingjia.
