20 snem ryngkat ka kuna rai ka Ïingkashari ïa u Starling Syiemlieh

Nongstoiñ, Rymphang 09: Ka Ïingkashari ba don burom jong u Special Judge (POCSO) Nongstoiñ, hadien ka jingbishar kaba bniah bha, ka la rai pynrem ïa u Starling Syiemlieh ha kaba u hap shong phatok haduh 20 snem kynthih ryngkat ka kuna kaba long 50 hajar tyngka.
Kane ka rai jong ka Ïingbsihar ka dei halor ka kam leh beijot jong u Starling Syiemlieh ïa kawei ka khynnah kaba dang 12 snem ka karta lem bad ïa kawei kaba dang 9 snem ka karta kiba dei ruh shi para.
Na ka liang u Superintendent of Police West Khasi Hills ha ka kyrwoh khubor, u la ong ba hadien ka jingjia leh beijot, ka kmie jong kitei ki khynnah ka la ujor da ka ejahar ha ka 2 tarik u Jylliew 2023.
Halor ka jingujor, na ka liang ki pulit ki la shim kam mar mar bad pynngat ïa u Starling Syiemlieh katkum ka Shallang PS Case No. 11(6)2023 U/s 506 IPC R/w Section 5 (1)(m)(n)/6 POCSO Act. Na ka liang ka WPSI Nylla Eulalïa Wanniang ka la shim ïa ka jingtohkit bad la charge sheet da ka Investigating Officer hapoh ka Section 5 (m)(n) 6 of POCSO Act.
Ha ka 30 tarik Kyllalyngkot 2026 na ka liang ka Ïingbishar ba don burom jong ka Special Judge (POCSO) Nongstoiñ, hadien ka jingbishar bniah ha baroh ki liang ka la rai ban pynrem ïa u Starling Syiemlich, ha kaba u hap ban shong ha along haduh 20 snem kynthih ryngkat ka kuna kaba 50 hajar tyngka, katkum ka section 6 katkum ka POCSO Act. Lada um lah ban siew ïa ka kuna un hap ban shong along biang sa 6 bnai katkum Section 5 (m)(n) 6 jong ka POCSO Act.