Ai khublei ka Dorbar Shnong Nartiang ïa u ma Sniawbhalang Dhar ba pynïoh skim `25 Klur tyngka

Jowai, Rymphang 04 : Ka Dorbar Shnong Nartiang lyngba u Waheh Shnong ma Chalbestar Myria kala ai khublei ïa u Symbud Myntri Rangbah ka sorkar jylla u ma Sniawbhalang Dhar uba long ruh u MLA ka 1-Nartiang Constituency uba la pynïoh skim ïaka shnong Nartiang ha kine ki sngi ba ladep kaba long haduh T.25 klur tyngka bad kumjuh ula ïarap ban pynïoh pisa T.4,00,000 tyngka sha Dorbar Shnong.
Halor kane ka Shnong ka kwah ban pynpaw ka jingaikhublei ba kyrpang ïa kine ki kam kiba u ma Dhar kum u nongmihkhmat ka thaiñ ula leh na ka bynta ki kam pynroi hapoh ka shnong ka thaw kaba dei ka Constituency jong u.
Shuh shuh ula pynsngew ki don shibun kiwei de ki lad jingïarap kiba la dep pynïoh da u MLA kiba kynthup naduh ki lynti ki syngkieng kiba la wanrah ka jingkylla ïa ka shnong hi baroh kawei.
Kum ka Dorbar Shnong ka kitbok kitrwiang ïa u MLA ba un dang lah shuh shuh ban wanrah ïa ka roi ka par hapoh ka shnong Nartiang bad un dang lah ban ai ka jingshakri kaba bha tam ha kine ki sngi ban wan ïa ka Constituency hi baroh kawei.