Bym biang ki sakhi sabut lait jamin arngut kiba shah kynnoh donkti ha ka jingshah pyniap u Raja Raghuvanshi

Shillong, Rymphang 3 : Arngut ki briew-u Balbir Ahirbar bad u Lokendra Singh Tomar, kiba shah kem halor ka jingkynnoh ba ki pynjulor ïa ki sakhi sabut ba ïadei bad ka jingshah pyniap u nong Indore u Raja Raghuvanshi ha Sohra, ki la lait jamin noh na kti ka aiñ namar ka jingbym biang ki sakhi sabut pyrshah ïa ki.
U Superintendent of Police ka East Khasi Hills u Bah Vivek Syiem ula ong ba ka jingkem ïa kine ki arngut ka dei kaba la leh namar ka jingbym banse, hynrei ha ka jingtohkit la shem ba kim donkti satia.
“Ka kaiphod ba khatduh ka la shem ba kim don bynta eiei ruh em, kaba lam sha ka jingpyllait noh ïa ki” ong u Bah Vivek haba ïakren bad ki nongthoh khubor.
ïa ka chargesheet ba-ar lah dep ban file halor kane ka case bad tang uwei napdeng ki lai ngut kiba la kem ba pynjulor ïa ki sakhi, lah pynngat ha ka chargesheet.
La khmih lynti ba ka ïing Bishar kan sa shong bishar noh shen ïa kane ka kam.
Ka nongleh bymman ba hakhmat eh, ka Sonam Raghuvanshi, ka dang don hapoh phatok, bad ka ïing Bishar dang shen ka la kyntait ïa ka jingpan bah jamin ïa ka.