SHILLONG, Rymphang 02: Ha ka sngi Nyngkong jong ka taiew, ka 02 Tarik u Rymphang 2026, la jingplie pyrda ïa ka Lummawbah week ka ba la pynlong da ka Khasi Student Union (KSU) Lummawbah Unit.
Ha kane ka sngi la plie pyrda ïa ka Lummawbah Week da u Samla Eric Nongkynrih, Sports and Cultural Secretary KSU CEC ha ka jingdon ryngkat ruh u Rangbah shnong ka Dorbar shnong Lummawbah, bad kiwei kiwei.
Na ka liang u Rangbah Shnong ka Lummawbah Haba kren shuwa ban sdang ka jingïalehkai u la kyntu ïa ki nongïalehkai baroh ba kin sngewbha ban biang kapor namar ka por ka la dei ban ïalehkai hynrei ki rangïalehkai pat kim pat ïa wan ha madan.
U la kitbok ruh ïa baroh ki team ki ban sa ïakhun ha kane ka lympung ba kin ïalehkai bha.“La ioh ruh ka jingkren na u Samla Eric Nongkynrih, Sports and Cultural Secretary KSU CEC.
Hashuwa ban sdang ka jingïalehkai la ïa shimbynta lang baroh ban ïa rwai ïa ka jingrwai ‘Ri Khasi Ri khasi’.“La sdang ïa ka jingïalehkai hapdeng ka Team ‘Tylli Kawei’ bad ka team ‘Bom ba klat’ ha kaba ka Team ‘Bom ba klat’ ka la jop lyngba ka jingthep 1-0 goal pyrshah ïa ka team ‘Tylli Kawei’, Nangta de bud sa kiwei kiwei ki team kiba la ïalehkai ha kane ka sngi.
Kum ban shu kdew hangne ba ka jingpynlong ïa kum kane ka jingïalehkai ne ka Lummawbah Week ka long shibynta ban pyllait ïa ki samla jong ka shnong ha ki jingsniew ba bun jait khamtam eh ha u Drok.
