Kyntait ka ïingbishar SC ïa ka hukum set along shi-rta jingim ïa kiba suba pynïap briew ha Shillong

Shillong, Rymphang 1 : Ka ïing Bishar Supreme Court (SC) kala kyntait noh sharud ïa ka hukum set along shirta jingim bala pynmih da ka Iing Bishar High Court jongka jylla Meghalaya pyrshah ïa u Bernard Lyngdoh Phawa bad Boni Lyngdoh Phawa haba ïadei bad ka jingshah pynuap u samla pule ha Shillong ha u snem 2006, haba pynneh ïa ka hukum ban pynlait noh ïa ki kat kum ka rai ka ïing Bishar ia kane ka kam.
Kane ka mukotduma ka dei halor ka jingiap u Biplab Das, u samla pule mass communication ka St.Anthony’s College, uba la jah rngai ha ka 18 tarik Rymphang 2006.ïa ka metiap u Biplab lah lap hadien laisngi na ka lum jingtep kaba don ha Mawlai Mawroh.ïa kane ka met la tep ha kane ka lum jingtep bad ki Pulit kila leit ban khlong noh hadien.
Ki prosecution ki la kynnoh ba u Das ula shah rahbor bad shah pyniap ha la ki jong ki paralok kiba dawa pisa bad uwei na kine kiba shah kynnoh, ula ïalam ïa ki Pulit sha ka jaka ba tep ia ka met.
Katba ka ïing Bishar ba tian bishar kala pynlait ïa kine ki nongshah kynnoh, namar ka jingbym biang ki sakhi satar, ka ïing Bishar High Court ka jylla kala pynkylla ïa kne ka hukum bad pynngat ïa ki hapoh ki kyndon ba ïadei bad ka jingpyniap briew bad ka jingpynjulor ïa ki sakhi satar.
Haba pdiang ïa ka jingkyrpad, ka ïing Bishar Supreme Court kala pynpaw ba ki prosecution kim shym la lah ban pynskhem ïa ki jingpynshisha ba pura.
Ka ïing Bishar kala kdew ïa shibun ki jingduna ha ka jingtohkit kynthup ka jingartatien halor ka khana “ba ïohi ba ki ïadon lang’, ka jingïoh kurup ïa ka tiar ba pyniap, bad ka jinglah ban shaniah ïa ka jingshim jingthoh ïa kaei kaba phla. Kala pynpaw ruh ba ki sakhi ha ka liang ka medical ruh kam pat long satia kaba biang pura.
Ka Supreme Court ka ïai ban ba ka rai ban pynlait ïa ki ka pynskhem ïa ka jingsngew ba long lui lui bad ym dei ban shu pynkylla syndet ïa ka. Ka hukum ba dei ban pynlait noh mardor ïa kine kiba shah kynnoh lada ki dang don hapoh along bad pynduh noh ïa ki bail bond jong ka lada la dep ban pynlait ïa ki.