Shillong, K’lyngkot, 20: Ka Republican Party of India (A) Meghalaya State Committee ha ka sngi Thohdieng ka la pynbna ïa ka thup kyrteng jong ki 10 ngut ki kyrtong ki ban aireng ïa ka elekshon sha ka Iingdorbar Thawaiñ ka Jylla ka ban sa long ha ka 27 tarik, Rymphang ha ka Jylla.
Kane ka seng saiñpyrthei ba la khlieh da u Ramdas Athawale kum u National President ka la sei ar ngut ki longkmie ki ban aireng ha kane ka elekshon kiba kynthup ïa ka Sareni Ch. Marak ka ban aireng na Songsak Constituency bad ka Serimina D. Marak ka ban aireng na Jingrang Constituency.
Katba ki kyrtong shynrang ki long u Indrash M Marak na Rangsakona, u Pangseng R Marak na Dalu, u Witjeng N. Sangma na Dadenggre, u Thoseng Cheba A. Sangma na Raksamgre, u Jhimcarter M. Sangma na Gambegre bad u Ballengsing Ch. Marak na Williamnagar.
Ïa kane ka thup kyrteng la shu pynsaphriang ha ka Social Media kaba don tang ka jingsoi khlem ka kyrteng bad ka tarik ba la pynbna ïa ki kyrtong.
