71.467 kilo u Ganja ïoh kurup ki Pulit East Jaiñtia Hills, shah kem arngut ki snar khaïi

Khliehriat, Lber, 14: Arngut ki snar khaii Ganja kiba donkti ban kit haduh 71 kilo u Ganja ha East Jaintia Hills District ki la ngat ha ka shrip ba la pynap da ki Pulit ha ka step jong ka 14 tarik u Lber, 2023.
Ïa kine ki arngut la ithuh kyrteng kum u Babalu Singh uba la 56 snem ka rta na ka shnong Kale Diara, Patna bad u Saranjan Mahto uba la 39 snem ka rta na ka jylla Bihar, ong u kyrwoh ba la pyntip da u Superintendent of Police ka East Jaintia Hills District u Jagpal Singh Dhanoa.
U la ïathuh ba ki Pulit jong ka Anti-Narcotic Task Forcew bad ki Pulit jong ka Anti-Infiltration Umtyra Check Post kiba la ïoh ïa ka jingtip kaba bniah na ki tnat syntiat ki la pynlong ïa ka jingap shrip bad ïohbat ïa kawei ka kali Maruti Sx4 kaba don ïa u nombar AA 01 AN 3312 kaba dang wan na ka thain Kalain sha ka shnong Khliehriat.
Ïa kane ka kali, ki Pulit ki la ïoh bat katba ka dang wan na ka shnong Lumshnong ha ka por hynriew shipawa mynstep. Ha ka jingtalasi ki Pulit ki la ïoh kurup haduh117 song u Ganja ba la buhrieh hapoh ka kali.
Hadien ba la thew la woh, la shem ba u Ganja uba la ïoh kurup u don ka jingkhia kaba kot haduh 71.476 kilo.
Ïa kane ka jingjia ki Pulit ki la register case hapoh ki kyndon jong ka NDPS Act ha Khliehriat Police Station bad ka jngtohkit ka dang ïaid shakhmat ban ïohkem ïa kiwei pat kiba donkti ha kane ka kam khaii beain.