Shillong, Nailar 13: Ka jingïakhun kaba la long hynnin ka Sngi Saitjaiñ jong ka taïew ba ladep jong ka Shillong Sports Association Under-20 4th DIVISION Football League 2023, kaba la pynlong ha 3rd Ground, MFA Turf, Polo hapdeng ka Lamlynti FC (Madanlyngkhi) kaba ïakhun pyrshah ïa ka Lummawbah SC, ka jingïalehkai ka la jam sha kaba kut ha kaba ka Lamlynti ka la khur ïa ka namjop.
Haba phai sha ka jingïalehkai jong kine ki ar kynhun kiba dei na ka thup jong ka Group-C, ka Lamlynti FC ka la jop lyngba ki 2 kol kiba la thep da u Ricky Mawlong ha ka minit kaba 48 nangta na u Pyrkhatjanai Kharkongor ha ka 70 minit.
Mynta ka sngi, ka 14 tarik kan don ar tylli ki jingïalehkai jong ki kynhun kiba dei na ka thup jong ka Group-D, ha kaba ka Laitkroh SC kan ïakhun pyrshah ïa ka Mawkriah West SC ha ka por 2 baje nohphaisngi, bud sa ka jingïalehkai hapdeng ka Diengpasoh SC pyrshah ïa ka Mawlyngad SC ha ka por 4 baje jan miet, bad ka madan kan long ha SSA Stadium, Polo.
