Jowai, Nailar 03: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long hynne ka Sngi palei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba la long hapdeng ka FAM pyrshah ïa ka Psyih Cultural kala long kaba ïakhaid bha namar haduh ba kut jong ka jingïakhun kila ïakhaid bad ïoh thep mar 2-2 kol.
ïa ki kol na ka bynta ka FAM la thep da u Help me Phawa haka minit ba 57 nangta na u Hardyson Tang haka minit kaba 69. Katba ïa ki ar kol na ka bynta ka Pasyih Cultural la thep hi da u Shining Rymbai kaba la wan ha ka minit kaba 42 bad 43 minit.
Ka jingïakhun mynta ka sngi ka 4 tarik Nailar (Sngi Thohdieng) kan long hapdeng ka Tympang Club pyrshah ïaka Kseh Sylle Ialong haka por 10 shiteng mynstep, katba ka Mookaswan Dongwah kan aireng pyrshah ïaka Madan Kynsaw Mawkyndeng haka por 12 baje shiteng sngi.
