Jowai, Naitung 03: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong, ka kynhun ïalehkai jong ka 7 Wasa kala khur ïa ka namjop hadien ba ka la lah ban pynliem da 2-0 kol ïa ka Khimusniang.
ïa ki kol na ka bynta ka 7 Wasa la thep da u Kerlangmi Kelphung ha ka minit ba 36 bad u Thank you Mukhim haka minit ba 53.
Katba ha ka jingïakhun kaba ar ka FAM kala pynliem da 2-0 kol ïa ka Mynthong, bad ïa kitei ki ar kol na ka FAM la thep da u Leikirang Suiam haka minit ba 9 jong ka kylla step nangta na u Pynsngatnmiki Papang haka minit ba 54, kaba la biang pura ïa ka kynhun ban khur ïa ka namjop ha kane ka jingïakhun.
