Nongstoiñ, Nohprah, 1: Ka Ïingkashari Special Judge (POCSO) ka la hukum ban set phatok haduh 30 snem ryngkat ka kuna ïa uwei u runar u ba leh beijot ïa iwei I Khynnah ha kawei ka Kyntoit jong ka West Khasi Hills District.
Une u runar u dei u Kelding Thongni u ba leh beijot ïa iwei I Khynnah ha u snem ba la lah. Ïa une u runar la kem da ki Pulit katkum ka ejahar ba la mudui ha Nongstoiñ Police Station kiba la register da ka case no. 55 (08) 2021 hapoh ka kyndon 5 (m)/6 jong ka POCSO Act.
Ka Ïingkashari haba bishar ïa kane ka mokotduma, ka la pynmih ïa ka hukum hynnin ka 30 tarik Naiwieng ban set along haduh 30 snem bad ka kuna ba T.50000 katkum ka kyndon 6 jong ka POCSO Act bad ka kyndon 428 jong ka CrPC.
