Shillong, Nohprah 17: Ka jingïakhun semi final ba nyngkong hynnin ka Sngi Saitjain ha ka lympung lehkai 2nd DIVISION Football League 2023 ba la pynïaid da ka Shillong Sports Association ka la jam sha kaba kut ha kaba ka Pohkseh SC ka la khur ïa ka jingjop bad ïohrung sha ka final.
Haba phai sha kane ka jingïakhun ba la pynlong ha SSA Ground ha ka por 1:45 baje mynsngi kaba la long hapdeng ka Pohkseh SC pyrshah ïa ka Sohryngkham SC ka long kaba itynnat hynrei dei ka Pohkseh SC kaba la ïoh ban pynurlong ïa ki kabu da kaba thep haduh 3 kol ban ïoh ïa ka jingjop.
Ka Pohkseh SC ka la ïoh ban pynkhihjar nyngkong lyngba u Freddy Jyrwa ha ka 44 minit jong ka kylla step bad ki ar kol la thep da u Wanjop Khriam ha ka 74 & 90+2 minit.
