Shillong, Naiwieng, 12: Ki shipai BSF ka 100 Battalion kiba ap pahara ha khappud jong ka West Garo Hills District da ka jingïatreilang bad ki Pulit ka Jylla Meghalaya ha ka sngi Saitjaiñ ki la ïoh kurup haduh 270 byrni ka shini kaba khia 13,500 hajar kilogram kaba shongdor T.5,40,000 lak na ka shnong Paulpara kaba don ha khappud jong ka West Garo Hills District bad ka ri Bangladesh.
Ïa ki byrni ba la thep ïa ka shini la lap hadien ba ki nongkhaii tuh ki la buhrieh ha kawei ka iing da ka jingthmu ban khaii tuh sha ka ri Bangladesh. Ïa ka shini ba la ïoh kurup la shimti noh da ki Pulit na ka bynta ban leh katkum ki kyndon jong ka aiñ.
Ki shipai BSF ki ïai long kiba peitngor bha ïa ki kam runar ruser bad ki kam khaii be-aiñ ha shilynter ka khappud jong ka ri.
