Nongstoiñ, Jymmang 01: Ka Ïingkashari Special Judge (POCSO) ka West Khasi Hills, ka la hukum ban set phatok haduh 25 snem ïa u runar u ba donkti ban leh beijot ïa iwei I Khynnah kynthei ha West Khasi Hills District.
Une u runar u kyrteng u Babul Basil Ali uba la shah kem ha ki Pulit ka Nongstoiñ Police Station halor ka ejahar ba la mudui ïa ka jingleh beijot ïa iwei I Khynnah ha u bnai Naitung 2021, ha kawei ka shnong kaba hap hapoh ka jingkhmih jong kane ka thanad.
Ka Nongstoiñ Police Station ka la pynngat ïa une u runar ha ka kyndon 377 IPC pule lang bad ka kyndon 5 (m) (n)/6 jong ka POCSO Act.
Ka Ïingkashari u Special Judge haba shong bishar ïa kane ka kam ha ka 28 tarik Ïaiong, ka la hukum ban set along ïa u haduh 25 snem lem bad ka kuna ba T. 50,000 hapoh ka kyndon 6 jong ka POCSO Act lem bad ka shong along sa 6 bnai lada ym lah siew ïa ka kuna.
Ïa kane la pyntip da u Superintendent of Police ka West Khasi Hills, katkum ka kyrwoh ba la phah sha ki lad pathai khubor.
