Nongstoiñ, Jymmang 01: Ka kynhun seng trei mon sngewbha kaba la tip kum ka ‘Sharak Rural Development Society’, ha ka sngi saitjaiñ kum shi bynta ban rakhe ïa ka International Dancing Day, ha ka sngi saitjaiñ ka la ïoh ban pynlong ïa ka jingïakop shad ha sor Nongstoiñ.
Ïa katei ka lympung la pynlong ha madan New Nongstoiñ bad ka jingmut jong katei ka jingïakop shad, ka dei ruh kum shi bynta ban plie lad bad ban ai mynsiem ïa ki khun samla jong ka thaiñ, ba kin mih shakhmat ban pyni ne pynpaw ïa la ki sap ki phong kaba ki don lyngba katei ka rynsan.
Ïa katei ka lympung la plie paidbah da u bah Ïarapbhathik Shangrit General Secretary ka Sharak Rural Development Society, ryngkat ka jingsynran lang u bah Wellesly Lyngkhoi President ka Sharak Rural Development Society bad kiwei kiwei ki dkhot.
Ha ka por janmiet jong katei ka sngi la ïoh ban pynkut noh ïa katei ka lympung, da ka jingrwai pynshongshit paidbah da u bah Wanjop Sohklet, Eddie Lyngdoh bad kiwei kiwei ki nongrwai ba pawnam kiba kynthup ïa ka kynhun Kid’s Tarari Choir Nongstoiñ bad kiwei kiwei.
