200 ngut ki nongïalehkai, kynthup 9 ngut na WJH jied ka kynhun Edge 10 ban ai jinghikai pyntbit

Shillong, Kyllalyngkot 25 : Ka kynhun Edge 10 kaba la pyndep ïa ka prokram wad khynnah bad samla ïalehkai donsap (Live Sports Testing for Athletes) ha ryngkat ka jingïasnohktilang ryngkat ka Directorate of Sports & Youth Affairs bad ka Meghalaya State Olympic Association (MSOA) ka la jied ïa 200 ngut ki nongïalehkai, ba kynthup khyndai ngut na West Jaiñtia Hills District ban ai shuh shuh ka jinghikai pyntbit. Kum ban pynkynmaw hangne ba ka kynhun Edge 10 ha ryngkat ka jingïasnohktilang ryngkat ka Directorate of Sports & Youth Affairs bad ka Meghalaya State Olympic Association (MSOA) ka la pynlong ïa ka prokram wad nongïalehkai donsap ha kaba ki la don haduh 4000 ngut ki nongïalehkai kiba la ïashim bynta.
Napdeng kitei ki 4000 ngut, la ïoh ban jied 200 ngut na ka bynta ban ai shuh shuh ka jinghikai pyntbit ïa kaba yn sa pynlong da ka kynhun Edge 10. Katba napdeng kitei ki 200 ngut, khyndai ngut kidei na West Jaintia Hills District. Kitei ki kyndai ngut ki kynthup ka samla Daiahunlangki Shylla, Deinambhami Phawa, Lanaika Kamar, u samla Banlambha Pala, Edify Bamon, Foremost Dhar, ka Gareth Tyngkan, u Mechan Bareh bad u Salonbhahmi Suchiang.
Kumta la kyntu ïa baroh khyndai ngut kiba la shah jied kiba dei na West Jaintia Hills District ba kin leit ban submit ïa ki jingdonkam ha ka ophis u District Sports Officer jong ka West Jaiñtia Hills District.