Shillong, Nohprah 16 : Ka Khasi Hills Autonomous District Council (KHADC) ka la pynbna ba ka jingpynshai paidbah (Public Hearing) na bynta ki ar tylli ki constituency ba hap ha Eastern West Khasi Hills ba kynthup ïa ka Mairang bad Mawthadraishan constituency kan long ha ka 20tarik Nohprah, 2023 ha Conference Hall jong u EE PHE (RWS) Mairang ym shuh ha Circuit House kumba la pynbna mynshwa.
Na ka liang u Secretary ka Executive Committee jong ka KHADC, Shillong, ka pyntip ruh ba la pynbna ha ki Sordar Shnong bad ki paidbah nongshong shnong jong ki Hima bapher bapher ba katei ka jingpynshai paidbah kan long noh ha conference hall jong u EE PHE Mairang Eastern West Khasi Hills.
Lah ban kdew hangne ba ka Delimitation Committee jong ka KHADC ka la leit ban pynlong kylleng ïa ka public hearing haba ïadei bad ka jingpynbeit thymmai ïa ki constituency khamtam ban pynïa biang ïa ka jingbun briew namar don ki constituency kiba la bun bha ki nongthep vote katba don pat ki constituency kiba don khyndiat bha.
