Shillong, Jylliew, 21: Ka Kashari jong u Sessions Judge, u Noor Ain Khan (MHJS), Sesions Judge ka West Jaiñtia Hills District, ha ka 14 tarik mynta u bnai ka la rai pynrem ïa u nongshah set phatok u Marson Lamin hapoh ka Section 324 Indian Penal Code (IPC), hadien ba u la pynmynsaw da ki tiar mynsaw ïa u Comfortme Phawa.
ïa u Marson Lamin la rai ban set along haduh ar snem bad shaiñ kuna T. 5000 hajar. Lada um lah ban siew ïa ka kuna, un hap ban bteng biang ban sah ha phatok sa kumba shi bnai.
Namarba u Marson Lamin u la dep pynlut haduh snem, arphew ar sngi hapoh along, mynta un hap shong ha phatok sa kumba khatwei bnai khatwei sngi.
Kane ka jingjia ka la paw pyrthei ha u Rymphang, 2015, ha kaba ka Kong Melinda Phawa ka la ujor da ka ejahar ha Ummulong Beat House ha ka 27 tarik, Rymphang, 2015 da kaba kynnoh ba u khun jong ka u Comfortme Phawa u la shah mait na ryndang ha u Marson Lamin ha ka miet 26 tarik Rymphang, 2015 ha ka por kumba 9:00 baje mynmiet.
ïa kane jingjia la ujor ha Jowai Police Station hapoh ka Section 307/326 IPC bad ïa ka jingtohkit la bynshet ha S.I W. Suting (1.0). ïa kane ka jingjia la pynngat kyndon da u Investigating Officer ha ka 7 tarik, Lber, 2024.
