Jowai, Risaw 16: Ka lympung ïalehkai phutbol jong ka kyrdan 13th Chatister Kharkongor Memorial Trophy 1st Division Football Tournament-2025 bala pynïaid daka West Jaiñtia District Sports Association (WJDSA) kaba la long mynta ka sngi 16 tarik ha madan Kiang Nangbah Stadium Dongmihsngi, Jowai.
Haba phai sha ka jingïakhun ka Nangbah Dukhu kala lah ban pynliem da 1-0 kol ïaka Mynthong SC, ïa katei ka shikol na ka Nangbah Dukhu la thep da u Starly Chyrmang haka minit ba 17.
La pyntip ba ka jingïakhun ha ka 18 tarik kan long hapdeng ka Madan Thadmuthlong SC pyrshah ïa ka Sabahmuswang SC haka por 2 baje nohphai sngi.
