Shillong, Risaw 16: Ka sngi ba-ar (Day 2) jong ka jingïalehkai plate group hapdeng ka Meghalaya pyrshah ïa ka Mizoram ha ka lympung Ranji Trophy 2025-26, ka la pulom biang kumjuh kumba long kaba nyngkong kaba long ka jingsngewsih na ka bynta ki nongïalehkai namar ba ym shym la lah ban pynlong kano kano ka jingïalehkai mynta la ar sngi lynter.
U slap uba jur ha ki sngi ba la dep ka la pynlong ïa kawei ka bynta jong ka madan kaba don hajan ka JN Stadium ba kan sngem.
Ki nongtrei ha madan ki la pyrshang katba lah ban pyrshang bad pynsted ïa ka jingpynrkhiang. Kaba la pynlong ïa kane ka jingpyrshang pynrkhiang ïa ka madan kaba shitom ka long ba ka jingsngem kam don ha ka sla khyndew kaba paw shabar – kaba lah ban rngad noh da kaba suk lane ban pynrkhiang da ka super sopper – hynrei ka dei namar ka um kaba la ksam shapoh khyndew bad kaba la pynlong ïa ka madan ban jem.
