Shillong, Kyllalyngkot 28: Ka kynhun ïalehkai phutbol jong ka Laitkor SC ka la khur jingjop na ka jingïakhun kaba long pyrshah ïa ka Mawkhar SC hynnin ka Sngi Saitjaiñ jong ka lympung 1st DIVISION Football League 2023-24 ba la pynïaid da ka Shillong Sports Association.
Haba phai sha ka jingïakhun jong kine ki ar kynhun ba la long ha SSA Ground, por 2:15 baje nohphaisngi, ka la kut ha kaba ka Mawkhar SC ka la shah pynliem da 1-3 kol ha ka Laitkor SC.
Dei ka Mawkhar SC kaba la sdang nyngkong ban pynkhihjar na u Kyrmen Lyngdoh tang hadien 3 minit ba la ïaid ka por, hynrei ka Laitkor SC ka la ïoh ban pynïakhaid lyngba u Euvasius Mawthoh ha ka minit ba 19 shuwa ba un thep ïa ka kol kaba ar ha ka 76 minit.
Nangta ka kol kaba khadduh la thep da u Banskhem Kharkongor (85 minit) kaba la pynthikna ïa ka Laitkor SC ban khur ïa ka namjop ha kane ka jingïalehkai.
