Jowai, Risaw 13 : Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha Kiang Nangbah Stadium Dongmihsngi Jowai.
Ïa kane ka lympung la pynïaid da ka West Jaiñtia District Sports Association (WJDSA) shi bynta na ka jingrakhe jubilee ksiar jong ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun mynta ka sngi ka kynhun ïalehkai jong ka Sailung Ialong SC kala lah ban pynliem Demthring SC da 2-0 kol, ïa kitei ki kol na ka Sailung Ialong SC la thep da u u Basan Pale haka minit 33 ha ka kylla step bad u Batskhem Dhar haka minit 85 jong ka kylla miet. Lyngba kine ki 2 kol ka kunhun ïalehkai jong ka Sailung Ialong SC kala long syndon ka nong jop mynta ka sngi.
Ka jingïakhun lashai ka sngi 14 tarik kan long hadpeng ka Shangpung Moosyiem SC pyrshah ïa ka Luti Tuber Ialong SC haka por 2 baje shiteng nohphai sngi.
