Yn pynlong Cricket Talent Hunt ka MSC

0

Shillong, Risaw 13 : Ka Mawlai Sports Club ryngkat bad ka Shillong Cricket Club kan pyntip sa shisien pat ba kan pynlong ïa ka jingwad sap wad phong ha ka ïalehkai kriket ka Cricket Talent Hunt Camp na ka bynta ki khynnah shynrang bad kynthei kiba shong basah hapoh u pud u sam jong ka Mawlai konstitwensi.
Ka MSC lyngba u Secretary ka MSC u bah Mawkordor Nongsiej u pynpaw ba ka jingpynlong ïa kane ka ktem ne camp ka long ban ïoh jied ïa ki khynnah kiba donsap ha ka jingïalehkai kriket ba kin ïoh shuh shuh ïa ka jinghikai ban pyntbit ïa ki da ki nonghikai kiba la pyntbit kyrpang ha kane ka bynta.
U pyntip ba kin pynlong ïa kane ka ktem ha ka 15 tarik mynta u bnai Risaw, 2022 ha madanheh stadium, Mawlai Phudmuri kaban sdang naduh ka por 9 baje mynstep.

Leave A Reply

Your email address will not be published.