Jowai, Risaw 12: Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long hynne ka Sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhuh ïalehkai jong ka Demthring kala lah ban pynliem da 2-0 kol ïa ka Moosyiem Shangpung. Ïa kitei ki kol na ka Demthring la thep da u Wellmisson Dkhar haka minit ba 28 bad u Pyndap Liam haka minit ba 79.
Ka jingïakhun mynta ka Sngi ka 13 tarik Risaw, 2023 kan long hapdeng ka Moosalangkat pyrshah ïa ka Sohmynting haka por 2 baje nohphai sngi.
