Shillong, Rymphang 15: Ka jingïalehkai ka lympung 1st DIVISION Football League 2023-24 ba la pynïaid da ka Shillong Sports Association hynne ka sngi ha madan SSA Ground, Polo ha ka por 2:45 baje nohphaisngi ka la jam sha kaba kut da ka jingïakhaid.
Ka jingïakhun ka la long hapdeng ka Mylliem SC pyrshah ïa ka Mawkhar SC, ha kaba kine ki ar kynhun ki la ïasam mar shi point naba ïakhaid mar 2 kol.
Haba phai sha ka jingïakhun, ka Mawkhar SC ka la buh shakhmat ïalade lyngba ka kol na u Rickyshan Warjri ha ka18minit jong ka kylla step, hynrei ka Mylliem SC ka la pynïakhaid lyngba ka kol u Tirot Kharbangar ha ka minit ba 30 shuwa ban kut ka kylla kaba nyngkong.
Hadien kumba katto katne por ba la ïaid ka kylla kaba ar, ka Mawkhar SC ka la ïoh biang ban lamkhmat na ka kol ba la thep da u Khrawpyrkhat Marwein ha ka 51 minit, hynrei sa shi sien pat ka Mylliem SC ka la jubab lyngba ka kol na u Freestar Kharbangar ha ka 67 minit. Haduh kaba kut ym shym la don shuh ba lah ban pynkhihjar kaba la pynlong ïa kine ki ar kynhun ban ïakhaid.
Ka jingïakhun mynta ka sngi kan long ha ka por 2:45 baje nohphaisngi hapdeng ka Nongrim Hills SC pyrshah ïa ka Lawsohtun SC.
