Tura, Kyllalyngkot 19: Ka jingïalehkai jong ka Wushu ha ka lympung ïalehkai jong ka Meghalaya Games kaba san ka la lah ba kan jam noh sha kaba kut hynnin ka sngi palei jong ka taiew.
Ha kaba kut jong kane ka jingïalehkai, ka kynhun jong ka East Khasi Hills ki la lah ha kaban bat ïa ka kyrdan kaba halor duh jong ka miej khur takma, hadien ba kane ka kynhun ka la lah ba kan kur aduh 10 tylli ki takma ksïar 5 tylli ki takma Rupa bad 3 tylli ki takma Rnong, ka district kaba wan ban bat ïa ka kyrdan kaba ar dei ka Ri-Bhoi District kaba la lah ba kan khur 5 tylli ki takma ksïar bad 2 tylli ki takma Rnong, katba ka District kaba la wan ban bat ïa ka kyrdan kaba lai dei Noth Garo Hills kaba la ïoh ba kan khur 2 tylli ki takma ksïar, 4 tylli ki takma Rupa bad 1 I takma Rnong.
Na ka lïang kibor ba dei khmih, ki niew bad shim ba ka jingïalehkai Wushu ha kane ka lympung ka kren shai kdar ïa ka jingsdang ba kan kiew bad ruh ban suthied bha ha kane ka jylla, ka daw bah kaba la pynlong ïa ki ban ong kumne ka long ba lada khmih bha ïa ka jingïoh ban khur takma, la lap bad shem ba nalor kitei ki lai tylli ki district kiba la kdew haneng, kiwei kiwei ruh ki samla ba la wan ïashim bynta na kiwei pat ruh ki district kim shym la leit phai thylli sha la iing namar ba la don ki rang ne ki thei ïalehkai kiba la ïoh ban khur lem ïa la ki takma ki jong ki.
