Tura, Kyllalyngkot 19: Ka kynhun ki rang bad ki thei ïalehkai ka East Khasi Hills DBA bad ka West Khasi Hills DBA , kin khreh pat ban ïaknieh takma ksiar ha ka jingïalehkai Basketball ki shyrang bad kynthei jong ka Meghalaya Games 2024 kaba 5 ba la long mynta ha Tura.
Ha ka semfinal kiba la long hynne ka sngi Thohdieng ha Don Bosco College, Tura, ki thei ka East Khasi Hills DBA ki la lah ba kan pynliem noh ïa ka North Garo Hills DBA da 58-16, katba ki thei ka B.A West Khasi Hills pat ki la lah ban pynliem noh ïa ki thei ka south West Khasi Hills DBA da 60-45.
Ha ka liang ki shynrang, ka East Khasi Hills DBA ka la pynliem noh ïa ka North Garo Hills DBA da 89-23, katba ka BA West Khasi Hills pat ka la pynliem ïa ka Ri-Bhoi DBA da 61-57. Ia ki phainal jong kine yn pynlong pat mynta ka sngi, kaba dei artad ka sngi ban pynhap noh ïa ka pyrda jong kane ka lympung.
